عمرك احتجت تلم زبالتك في شوال كبير؟
أو أي حاجة تانية مش بالضرورة زبالة!
لو احتجت ومش عارف أصلا أسمها ايه، ناهيك عن بتتجاب
منين...روح منشية ناصر.
عند مطلع المقطم. قبل ما توصل للمطلع قول أنا عاوز أروح
عند اليافطة الكبيرة أو عند الزبالين.
أركن العربية برة ...عشان الطريق مش ولابد وخد توك توك!
هتلاقى على كل حته في الشارع مخازن بتبيع جوانى (جمع
جونيا أو شوال)
هتلاقى طلبك على حسب حجم الشوال
-
شوال صغير ب 10 جم 2*2.5 متر
-
شوال أكبر ب 35 جم – 50 جم طويـــل! ده بتاع التصدير أو
عشان تحط فيه حاجات كتيره على عربية نقل! لأن حجمه أكبر من العربية الملاكي.
Comments
Post a Comment